थप ६ लाख ६४ हजार ६५० डोज फाइजर खोप नेपाल आइपुग्यो

जनस्वास्थ्य सरोकार, काठमाडौँ । नेपालमा थप ६ लाख ६४ हजार ६५० डोज फाइजर खोप आएको छ। कोभ्याक्स सुविधा अन्तर्गत आज बिहान खोप नेपाल आइपुगेको हो।

स्वास्थ्य सेवा विभाग आपूर्ति व्यवस्थापन शाखा प्रमुख सुरेन्द्र चौरासियाका अनुसार कोभ्याक्स अन्तर्गत अमेरिकाबाट आएको फाइजर खोप भण्डारमा ल्याइएको छ। फाइजर खोप माइनस ७० डिग्रीसम्म भण्डारण गर्नुपर्ने हुन्छ।

सरकारले आगामी १३ पुसदेखि काठमाडौँ उपत्यकासहितका ८ जिल्लामा र केही दिनभित्र बाँकी १२ जिल्लामा १२ देखि १७ वर्ष उमेर समूहका किशोर–किशोरीलाई कोभिडविरुद्धको फाइजर खोप लगाउने कार्यतालिका सार्वजनिक गरेको छ।