बिहीबारदेखि ललितपुरका बालबालिकालाई फाइजर खोपको दोस्रो डोज दिइने

जनस्वास्थ्य सरोकार, काठमाडौँ । ललितपुरमा कोरोनाविरुद्धको फाइजर खोपको पहिलो डोज लगाएका बालबालिकालाई दोस्रो डोज दिइने भएको छ ।

ललितपुर महानगरपालिकाले सूचना जारी गर्दै १२ देखि १७ वर्षसम्मका बालबालिकालाई माघ २० गतेदेखि २५ गतेसम्म दोस्रो डोज खोप दिइने जानकारी दिएको हो। खोप अभियान बिहान १० बजे देखि ४ बजेसम्म चल्ने सुचनामा उल्लेख छ।

पुस २७ गते खोप लगाएकालाई माघ २० गते वडा नम्बर १ देखि ४ सम्मका विद्यालयमा खोप लगाउने व्यवस्था गरिएको छ।

त्यस्तै, पुस २८ गते खोप लगाएकालाई माघ २१ गते वडा नम्बर ५ देखि ८ सम्मका विद्यालयमा खोप केन्द्र तोकिएको छ भने पुस २९ गते खोप लगाएकालाई माघ २३ गते वडा न ९ देखि १४ र १५ का केही विद्यालयमा खोप केन्द्र तोकिएको जनाइएको छ ।

पुस ३० गते खोप लगाएकालाई माघ २४ गते वडा न १५ का बाँकी विद्यालय र वडा न १६ देखि २१ सम्मका विद्यालयमा खोप केन्द्र तोकिएको छ ।

माघ २ गते खोप लगाएकाको हकमा महानगरपालिकाले माघ २५ गते वडा न २२ देखि २९ सम्मका विद्यालयमा खोप केन्द्र तोकेको छ।