शताब्दीपुरुष सत्यमोहन जोशी अस्पताल भर्ना, अवस्था सुधारोन्मुख

जनस्वास्थ्य सरोकार, काठमाडौं । वाङ्‍मय शताब्दीपुरुष सत्यमोहन जोशी अस्पताल भर्ना हुनुभएको छ ।

शरीरमा अक्सिजन कमी भएपछि जोशीलाई सोमबार ललितपुरको इमाडोलस्थित किस्ट अस्पतालमा भर्ना गरिएको हो । उहाँको स्वास्थ्य अवस्था सुधारोन्मुख रहेको कलेजका प्रिन्सिपल प्रा.डा.बालमानसिंह कार्कीले जानकारी दिनुभयो ।

उहाँलाई अहिले इन्टरनल मेडिसिन विभागको अन्डरमा क्याबिनमा राखेर उपचार जारी रहेको अस्पतालले जनाएको छ। सिटी स्क्यानको रिपोर्टमा भने निमोनिया देखिएकाले एन्टिबायोटिक सुरु गरिएको अस्पतालले जनाएको छ।

जोशी आगामी वैशाख ३० गतेदेखि १०३ वर्षमा प्रवेश गर्दैहुनुहुनछ ।