यी हुन् बदामका फाइदाहरु

जनस्वास्थ्य सरोकार, काठमाडौं । स्वास्थ्य शरीरको लागि पौष्टिक खाने कुरा निकै आवश्यक हुन्छ । त्यसमा पनि नियमित बदाम खानु विशेष लाभदायक मानिन्छ । बदाममा प्रोटिन, भिटामिन, फ्याट पर्याप्त मात्रामा पाइने भएकोले गर्दा रोगसँग लडने क्षमता बढाँउछ ।

चिकित्सहरुको अनुसार भिजाएको बदाम खाली पेटमा खाँदा मस्तिष्क, आँखा, मुटु लगायत पाचन प्रणलीलाई समेत स्वास्थ्य राख्न मद्दत गर्छ । बदाममा पाइने भिटामिन ‘ई’ले एन्टी अक्सिडेन्टको रुपमा काम गर्दछ ।

यस ड्राई फ्रुटमा ‘भिटामिन–इर्’ र ‘बी–६’ पाइन्छ, जसले मस्तिष्कका कोशिकाहरूलाई स्वस्थ्य राख्न मद्दत गर्छ ।

तौल नियन्त्रण
बदाममा प्रोटिन पाइने भएकोले गर्दा अन्य क्यालोरीयुक्त खाने कुरा खान मन लाग्दैन । त्यसले गर्दा बदामले तौल नियन्त्रण गर्दछ ।

भिटामिन सी
बदाममा भिटामिन सी पाइन्छ जसले रुधा, खोकी लगायतका थुप्रै स्वास्थ्य समस्याबाट टाढा राख्दछ ।

कोलेस्ट्रोल नियन्त्रण
दैनिक बदाम खाँदा कोलेस्ट्रोल नियन्त्रण हुन्छ । जसबाट मुटु रोगबाट जोगाउछ ।

छालामा चमक
बदाममा हुने पोषणयुक्त फाइबरले छालामा हुने अत्यधिक तेललाई फ्रलस गरी नरम र चम्किलो बनाउँछ ।

रोग प्रतिरोधी क्षमता बढाँउछ
बदाममा प्रोटिन, भिटामिन, फ्याट पर्याप्त मात्रामा पाइने भएकोले गर्दा रोगसँग लडने क्षमता बढाउनुका साथै अन्य रोग लाग्नबाट बचाँउछ ।

प्रजनन क्षमतामा वृद्धि
बदाममा प्रशस्त मात्रामा फोलिक एसिड पाइन्छ । जसले महिलाको प्रजनन क्षमता वृद्धि गर्छ ।