विश्व श्रवण दिवस २०२२, ‘जीवनभरि सुन्नको लागि सुनाइको हेरचाह गरौं’

जनस्वास्थ्य सरोकार, काठमाडौं । आज श्रवण दिवस २०२२ । नेपालमा पनि विभिन्न कार्यक्रम गरी मनाइदै छ । श्रवण शक्तिबारे जनचेतना फैलाउने उदेश्यका साथ हरेक वर्ष मार्च ३ तारीखमा मनाइने गरिन्छ ।

यस वर्षको श्रवण दिवसको नारा ‘जीवनभरि सुन्नको लागि सुनाइको हेरचाह गरौं’ तया गरिएको छ । श्रवण शक्ति कम हुने समस्या धेरैमा देखिने साझा समस्या हो । यहि दिवसको अवसरमा चर्को ध्वनिबाट हुने श्रवण क्षतिलाई रोक्ने प्रण गर्न स्वास्थ्य मन्त्रालयले आग्रह गरेको छ ।

कम श्रवण शक्तिका लक्षणहरु

• अरुको कुरा नबुझेर बारम्बार कुरा दोहोराउनु अनुरोध गर्नु
• टेलिफोनमा कुरा गर्न गाह्रो हुनु
• चराचुरुङ्गीको आवाज नसुन्नु
• कान कराउनु
• बोलेको सुन्नु तर नबुझ्नु
• अरुसँग कुरा गर्दा ठुलो स्वरले कुरा गर्नु
• धेरै हल्ला भएको ठाँउमा कुरा गर्न गाह्रो
• रेडियो सुन्दा, टेलिजन हेर्दा चर्को आवाज बनाउनु
  

श्रवण शक्ति कम हुन नदिने उपायहरु

• चर्को ध्वनि भएको क्षेत्रमा काम गर्दा कानमा कपास, ‘इयर प्लग’को प्रयोग गर्ने
• मोबाइल फोन धेरै र लामो समयसम्म प्रयोग नगर्ने
• हेडफोनबाट गीत सुन्दा चर्को आवाजमा नसुन्ने
• जथाभावी सवारी साधनको हर्न नबजाउने
• ठूलो आवाज भएको ठाउँमा लामो समय नबस्ने
• नियमित व्यायाम गर्ने
• अरुलाई चर्को ध्वनिबाट हुन सक्ने असरबारेमा जानकारी दिने र बच्ने उपायबारे सिकाउने
• क्लब, पार्टी प्यालेस, डान्सबारमा चर्को ध्वनिलाई व्यवस्थित गर्ने
• आफ्नो श्रवण शक्तिमा कमी आएको महसूस भएमा समयमै परीक्षण तथा उपचार गरौं