गर्भवती महिलाको मृत्युपछि जिल्ला अस्पताल गाईघाट तोडफोड, अस्पतालको सम्पूर्ण सेवा बन्द

जनस्वास्थ्य सरोकार, उदयपुर । गर्भवती महिलाको मृत्युपछि उदयपुर जिल्ला अस्पताल गाईघाटमा तोडफोड भएको छ ।आज बिहान अस्पतालमा गर्भवती महिलाको मृत्यु भएपछि मृतकको आफन्तले अस्पताल तोडफोड गरेका हुन् ।

उदयपुरगढी गाँउपालिका–६ नेपालटारकी ३२ वर्षीय महिला केही दिन अघि मात्र सुत्केरी हुन अस्पताल आएकी थिइन् । तर उनको उपचारको क्रममा आज बिहान मृत्यु भयो ।

मृतकको आफन्तले चिकित्सकको लापरबाहीले गर्दा गर्भवती महिलाको मृत्यु भएको भन्दै अस्पताल तोडफोड गरिरहेका छन् । अस्पताल तोडफोड पश्चात हाल अस्पतालको सम्पूर्ण सेवा बन्द भएको छ ।

गर्भवती महिलाको अवस्था खराब हुँदा अप्रेसन गर्नुपर्छ भनेको मृतकका आफन्तहरुले नमान्दा महिलाको मृत्यु भएको चिकित्सहरुले बताए ।