कोसी अस्पतालमा उपचारको क्रममा एक शिशुको मृत्यु

जनस्वास्थ्य सरोकार, विराटनगर । विराटनगरस्थित कोसी अस्पतालमा उपचारको क्रममा एक शिशुको मृत्यु भएको छ । शुक्रबार बिहान कोसी अस्पतालमा विराटनगर–६ बम्हपुराका पाँच महिने शिशुको उपचारका क्रममा मृत्यु भएको हो ।

उपचारका क्रममा स्थानीय सुनील चौधरीका छोराको शुक्रबार मृत्यु भएको हो । मृतक शिशुको आफन्तले अस्पतालको लापरबाहीका कारण शिशुको मृत्यु भएको बताएका छन् । उनीहरुले उपचारमा संलग्न चिकित्सकलाई कारबाहीको माग समेत गरेका छन् ।

त्यस्तै उपचारको क्रममा शिशुको अस्पतालको आकस्मिक कक्षमा मृत्यु भएको अस्पतालले जनाएको छ ।