धुम्बाराहीमा निःशुल्क स्वास्थ्य शिविर सञ्चालन

जनस्वास्थ्य सरोकार, काठमाडौं । काठमाडौं महानगरपालिका–४ स्थित धुम्बाराही पिपलबोटमा आइतबार निःशुल्क स्वास्थ्य शिविर सञ्चालन गरिएको छ ।

काठमाडौंको सिनामंगलस्थित काठमाडौं मेडिकल कलेज केएमसी, गुड अटो मोबाईल, लायन्स क्लब अफ काठमाडौं युनाइटेड फ्रेन्डस् र लियो क्लब अफ काठमाडौं युनाइटेड फ्रेन्डस्को सहकार्यमा एक दिने निःशुल्क शिविर सञ्चालन गरिएको हो ।

महेन्द्र अटो मोबाइलको प्राङ्गणमा सञ्चालन भएको शिविरमा १ हजार १३ जना बिरामीको निःशुल्क स्वास्थ्य परीक्षण गरिएको छ ।
शिविरमा २ सय २१ जनाको रक्त परीक्षण, १ सय ८९ जनाको भिडियो एक्सरे र १ सय ५६ जनाको ईसीजी गरिएको थियो । त्यस्तै केएमसीले बिहीबार काभ्रेको पनौतीमा पनि निःशुल्क स्वास्थ्य शिविर सञ्चालन गरेको थियो ।