पूर्ण मात्रा खोप लगाएकाले अस्पताल जाँदा पीसीआर परीक्षण गर्न नपर्ने

जनस्वास्थ्य सरोकार, काठमाडौं । कोभिड–१९ विरुद्धको पूर्ण मात्रा खोप लगाएकाले उपचारका लागि अस्पताल जाँदा पीसीआर परीक्षण गर्नु नपर्ने भएको छ ।

स्वास्थ्य तथा जनसंख्या मन्त्रालयका अनुसार कोभिड–१९ को लक्षण नदेखिएका र खोपको पूर्ण मात्रा लगाएकाले अस्पतालमा स्वास्थ्य परीक्षण गर्न जाँदा कोभिड परीक्षण गर्नु नपर्ने भएको हो ।

सरकारले फागुन २३ गतेदेखि अस्पतालमा स्वास्थ्य परीक्षण गर्न जाँदा अनिवार्य पीसीआर परीक्षणको नियम हटाइसकेको छ । अस्पतालमा स्वास्थ्य परीक्षण गर्दा खोप कार्ड भने अनिवार्य लिएर जानुपर्ने स्वास्थ्य तथा जनसंख्या मन्त्रालयले जनाएको छ ।