कान्ति बाल अस्पतालमा पेडियाट्रिक पल्मोनोलोजी ओपिडी सेवा सुरु

जनस्वास्थ्य सरोकार, काठमाडौं । आजदेखि कान्ति बाल अस्पतालले बच्चाहरुको लागि पेडियाट्रिक पल्मोनोलोजी ओपिडी सेवा सुरु गरेको छ ।

पेडियाट्रिक पल्मोनोलोजिष्ट डा.जगतजीवन घिमिरे नेतृत्वको टोलीले ओपिडी सेवा सुरु गरेको हो । पेडियाट्रिक पल्मोनोलोजी ओपिडीमा निमोनिया, बच्चामा हुने दम, निद्रामा घुर्ने, सास फेर्न गाह्रो हुने लगायत बच्चाहरुको छातीरोग सम्वन्धी सम्पूर्ण उपचार हुनेछ ।

यसअघि कान्ति अस्पतालमा दम क्लिनीक मात्र सञ्चालन हुँदै आएको थियो । सुरुमा साताको २ दिन सोमबार र विहीबार ओपिडी सेवा सञ्चालन हुने अस्पतालले जनाएको छ ।