नेपाल मेडिसिटी अस्पतालमा फिस्लीङ दुर्घटनाका ३१ जना घाइतेको उपचार

जनस्वास्थ्य सरोकार, ललितपुर । चितवनको फिस्लीङमा भएको बस दुर्घटनामा परी घाइते भएका ३१ जनाको ललितपुरको भैसेपाटीस्थित नेपाल मेटिसिटी अस्पतालमा उपचार भइरहेको छ ।

घाइतेमध्ये २ जनाको सघन उपचार कक्षमा उपचार भइरहेको छ । ३ जनाको पहिचान खुल्न सकेको छैन ।

आज बिहान काठमाडौं तर्फ आउँदै गरेको बा ५ ख ७९४२ नम्बरको नेपाल भारत मैत्री बस चितवनकोे फिस्लीङमा दुर्घटना भएको थियो ।

चिकित्सकीय टोलीको संलग्नतामा अस्पतालले पूर्ण सेवा प्रदान गरिरहेको मेडिकल सुपरिन्टेन्डेन्ट डा. जयन्द्र बज्राचार्यले बताउनुभयो ।