नर्सिङ र मिडवाइफरी लाइसेन्सको नतिजा प्रकाशित

जनस्वास्थ्य सरोकार, काठमाडौं । नेपाल नर्सिङ परिषद्ले नर्सिङ र मिडवाइफरी लाइसेन्सका लागि शनिबार लिइएको परीक्षाको नतिजामा ५५ प्रतिशत उत्तीर्ण भएका छन् ।

नर्सिङ तर्फको लाइसेन्सका लागि १ हजार ४ सय ८१ जनामा ८ सय ७ जना उत्तीर्ण भएका हुन् । मिडवाइफरीतर्फ तीन जनाले दिएको लाइसेन्स परीक्षामा शत्प्रतिशत उत्तीर्ण भएको उल्लेख छ ।

परिषद्ले वर्षमा ३ पटक लाइसेन्सको लागि परीक्षा लिँदै आएको छ ।
उत्तीर्ण भएका परीक्षार्थीले अनलाइनमार्फत १२०० रुपैयाँ भुक्तानी गरेपछि प्रमाणपत्र प्राप्त गर्न सक्ने र यसका लागि काउन्सिललको वेवसाइट www.nnc.org.np मा हेर्न सकिने उल्लेख छ ।