२२ जना नयाँ कोरोना संक्रमित थपिँदा ७५ जना निको

जनस्वास्थ्य सरोकार, काठमाडौँ । पछिल्लो २४ घण्टामा थप २२ जना नयाँ कोरोना संक्रमित थपिएका छन् । तीन हजार ८३५ जनाको नमुना स्वाब परीक्षण गर्दा २२ जनामा संक्रमण देखिएको हो ।

आज संक्रमणका कारण मृत्यु हुनेको संख्या शून्य छ । अहिलेसम्म नेपालमा कोभिड संक्रमणका कारण मृत्यु हुनेको संख्या ११ हजार ९५१ पुगेको छ ।

त्यस्तै आज ७५ जना संक्रमणमुक्त भएका छन् । योसँगै नेपालमा कोभिड १९ का सक्रिय संकमितको संख्या एक हजार २२ पुगेको स्वास्थ्य तथा जनसंख्या मन्त्रालयले जनाएको छ ।

निको हुनेको संख्या ९८.७ प्रतिशत रहेको मन्त्रालयले जनाएको छ ।