अछाममा टाइफाइडविरुद्धको खोप अभियान सुरु

जनस्वास्थ्य सरोकार, अछाम । अछाममा टाइफाइडविरुद्धको खोप अभियान सुरु भएको छ । साँफेबगर नरगपालिकाबाट अछाम जिल्लामा टाइफाइडविरुद्धको खोप अभियान सुरु गरिएको हो ।

साँफेबगरमा रहेको किन्डर ग्राडेन एकेडेमीबाट खोपको सुभारम्भ गरिएको स्वास्थ्य कार्यालय अछामले जनाएको छ । नगरप्रमुख तथा नगर खोप सम्न्वय समितिका संयोजक कुल बहादुर कुवँरको अध्यक्षतामा खोप कार्यक्रम सुभारम्भ गरिएको स्वास्थ्य कार्यालय अछामका प्रमुख बरिष्ठ जनस्वास्थ्य अधिकृत झनक ढुंगानाले बताए ।

टाइफाइडविरुद्धको खोप अभियान अन्तर्गत १५ महिनादेखि १५ वर्ष उमेर समूहका सबै बालबालिकालाई खोप दिइनेछ ।

यो खोप निशुल्क, सुरक्षित र प्रभावकारी रहेको स्वास्थ्य तथा जनसंख्या मन्त्रालयले जनाएको छ । ग्लोबल भ्याक्सिन अलायन्स गाभीको सहयोगमा सरकारले देशभरका ७५ लाख बालबालिकालाई लक्षित गरी अभियान सुरु गरेको हो ।