आजदेखि भारतमा १८ वर्षदेखि ६० वर्ष माथिका नागरिकलाई कोरोनाविरुद्धको बुस्टर डोज दिइने

एजेन्सी । भारतमा आजदेखि १८ वर्षदेखि ६० वर्ष माथिका सबै नागरिकलाई कोरोना भाइरसविरुद्धको बुस्टर डोज दिइने भएको छ ।

१८ वर्षदेखि ६० वर्ष माथिका सबै नागरिकलाई कोरोना भाइरसविरुद्धको बुस्टर डोज दिइने त्यँहाको स्वास्थ्य मन्त्रालयले जनाएको छ । कोरोनाविरुद्ध खोपको दोस्रो मात्रा लगाएको ९ महिना पूरा भएका व्यक्तिले मात्र बुस्टर डोज लगाउन पाउने छन् ।

६० वर्षभन्दा माथिका नागरिक र फ्रन्टलाइनमा खटिएकाहरुले बुस्टर डोज निशुल्क पाउने मन्त्रालयले जनाएको छ । निजी खोप केन्द्रहरुले कोरोनाविरुद्धको बुस्टर डोज लगाए बापत १५० रुपैयाँसम्म शुल्क लिनेछन् ।

करिव ८६ प्रतिशत भारतीय नागरिकले हालसम्म कोरोनाविरुद्ध खोपको दोस्रो मात्रा लगाएका छन् । त्यस्तै आधिकारिक तथ्याङ्क अनुसार भारतमा हालसम्म कोरोनाविरुद्ध खोप लगाउनेको कूल संख्या १८५ करोड पुगेको छ ।