भारतमा भेटियो ओमिक्रोनको नयाँ भेरियन्ट, नेपालमा पनि जोखिम

एजेन्सी । भारतको गुजरातमा ओमिक्रोनको नयाँ भेरियन्ट ‘एक्स ई’ पुष्टि भएको छ । भारतमा नयाँ भेरियन्ट देखिन थालेपछि नेपालमा पनि जोखिम बढेको छ । बडोदरा सहरको ६० वर्षीय एक पुरुषमा शनिबार ओमिक्रोनको नयाँ भेरियन्ट ‘एक्स ई’ पुष्टि भएको हो ।

गत मार्च ११ मा कोरोना परीक्षण गर्दा उनमा संक्रमण देखिएको थियो । तर संक्रमित पुरुषमा कुनै लक्षण देखिएको थिएन।उनको नमूना जीनोम सिक्वेन्सिङका लागि पठाइएको थियो । परीक्षण गर्दा उनमा एक्स ई भेरिएन्टको सङ्क्रमण भएको पुष्टि भएको छ।

गत बिहीबार महाराष्ट्रमा दक्षिण अफ्रिका यात्रा गरेर फर्किएकी ५० वर्षीया महिलामा उक्त भेरियन्ट देखिए पनि पुष्टि गरिएको थिएन । ‘एक्स ई’ भेरिएन्ट अन्य भेरिएन्टको तुलनामा १० गुणा बढी संक्रामक मानिएको छ।