नेपाली सेनाले माग्यो डाक्टर, नर्ससहितका ६९ जना कर्मचारी

जनस्वास्थ्य सरोकार, काठमाडौं । नेपाली सेनाले स्वास्थ्य सेवातर्फ डाक्टर, नर्स, प्राविधिक लगायतको पदका लागि कर्मचारी माग गरेको छ । सेनाको बलाधिकृत विभाग अन्तर्गत सैनिक कल्याणकारी महानिर्देशनालय जंगी अड्डाले आज सूचना जारी गरी विभिन्न ६९ पदका लागि आवेदन खुला गरेको हो ।

सैनिक कल्याणकारी कोषको लगानीमा सञ्चालित विभिन्न निकायमा रिक्त रहेका पदमा खुला प्रतिस्पर्धाबाट करार सेवामा पदपूर्ति गर्न लागिएको जंगी अड्डाले जनाएको छ ।

योग्यता पुगेका इच्छुक व्यक्तिले आगामी १५ दिनसम्ममा आवेदन दिन सक्ने सूचनामा उल्लेख गरिएको छ ।