२७ लाख बालबालिकालाई भिटामिन ‘ए’ खुवाइँदै

जनस्वास्थ्य सरोकार, काठमाडौं । आगामी वैशाख ६ र ७ गते देशभरका बालबालिकालाई भिटामिन ‘ए’, जुकाको औषधि र ‘बालभिटा’ खुवाइँदै छ । ६ महिनादेखि ५९ महिनासम्मका बालबालिकालाई भिटामिन ‘ए’ क्याप्सुल र १ वर्षदेखि ५ वर्षसम्मका बालबालिकालाई जुकाको औषधि खुवाइनेछ ।

यसवर्ष २७ लाख बालबालिकालाई भिटामिन ए, २४ लाखलाई जुकाको औषधि र ६ लाख बालबालिकालाई ‘बालभिटा’ खुवाइने मन्त्रालयले जनाएको छ ।

त्यस्तै ६ महिनादेखि २३ महिनासम्मका बालबालिकालाई कुपोषणबाट बचाउन अनिवार्य बहुसुक्ष्म पोषक तत्व ‘बालभिटा’ खुवाउन स्वास्थ्य तथा जनसंख्या मन्त्रालयले अनुरोध गरेको छ ।