स्वास्थ्य सेवा विभागले माग्यो ८ जना कर्मचारी

जनस्वास्थ्य सरोकार, काठमाडौं । स्वास्थ्य सेवा विभागले कोभिड १९ प्रतिकार्यका लागि अधिकृत सातौँ तहका ८ जना स्वास्थ्यकर्मी माग गरेको छ । ग्लोबल फण्डबाट अतिरिक्त सहायता अन्तर्गत कोभिड १९ प्रतिकार्यका लागि विभागले करारमा कर्मचारी नियुक्ति गर्ने भएको छ ।

विभागले शुक्रबार सूचना जारी गर्दै ७ प्रदेशमा ७ जना र विभागको व्यवस्थापन महाशाखाका लागि १ जना गरी ८ जना कर्मचारी माग गरेको हो ।

योग्यता पुगेका इच्छुक व्यक्तिले १० दिनभित्र स्वास्थ्य सेवा विभाग, व्यवस्थापन महाशाखामा आवेदन दिन सक्ने सूचनामा उल्लेख गरिएको छ ।