इटालीमा कोरोना संक्रमण बढ्दो, एकैदिन थपिए ७० हजार बढी संक्रमित

एजेन्सी । इटालीमा फेरि कोरोना संक्रमण तीव्र रुपमा फैलिन थालेको छ । त्यहाँ शनिबार एकैदिन ७० हजार ५ सय २० संक्रमित थपिएका छन् भने १ सय ४३ जनाको मृत्यु भएको छ । त्यस्तै इटालीमा शुक्रबार कोरोना संक्रमणका कारण २०२ जनाको मृत्यु भएको थियो ।

सन् २०२० मा कोरोना महामारी फैलिएपछि इटालीमा कोरोना संक्रमणका कारण हालसम्म १ लाख ६२ हजार ६ सय ९ जनाको मृत्यु भइसकेको छ । युरोपमा बेलायतपछि इटालीमा कोरोना संक्रमणबाट धेरै मानिसहरूको मृत्यु भएको छ ।

इटालीमा हालसम्म कोरोनाबाट १ करोड ६१ लाख संक्रमित भएका छन् । शनिबार इटालीमा ९ हजार ९ सय १४ जना संक्रमित अस्पताल भर्ना भएका थिए ।