सत्यमोहन जोशी अस्पतालबाट डिस्चार्ज

जनस्वास्थ्य सरोकार, काठमाडौं । शताब्दी पुरुष सत्यमोहन जोशी १० दिनको उपचारपछि अस्पतालबाट डिस्चार्ज हुनु भएको छ।

पिसाब, मुटुको चाल, र श्वासप्रश्वाससम्बन्धी समस्या देखिएपछि जोशीलाई ललितपुरको किष्ट शिक्षण अस्पतालमा भर्ना गरिएको थियो । उहाँलाई २ दिन आईसयुमा र बाँकी ८ दिन डिलक्स क्याबिनमा राखी उपचार गरिएको अस्पतालले जनाएको छ ।

हाल उहाँको पिसाबको संक्रमण नियन्त्रणमा आएको, मुटुको चाल स्थिर रहेको र श्वासप्रश्वासमा सुधार आएका कारण उपचारमा संलग्न चिकित्सक टोलीको राय बमोजीम आइतबार डिस्चार्ज गरिएको अस्पताल प्रशासनले जानकारी दिएको छ ।