स्वास्थ्यकर्मी  लामा बुढानीलकण्ठ नगरपालिकाको उपमेयरमा निर्वाचित  

जनस्वास्थ्य सरोकार, काठमाडौं । नेपाल मेडिकल काउन्सिलको प्रशासन प्रमुखको पद छाडेर निर्वाचनमा होमिनुभएकी अनिता लामा बुढानीलकण्ठ नगरपालिकाको उपमेयरमा निर्वाचित हुनुभएको छ । उहाँ एमालेका तर्फबाट उपमेयरमा निर्वाचित हुनुभएको हो ।

लामाले निकटतम प्रतिद्वन्द्वी नेपाली कांग्रेसका उम्मेदवार रमिला वाग्लेलाई पराजित गर्नुभएको हो । लामाले कुल १४ हजार ३१४ मत ल्याउनुभएको थियो । उहाँका प्रतिद्वन्द्वी वाग्लेले भने ११ हजार ९७२ मत प्राप्त गर्नुभएको थियो ।

बुढानीलकण्ठको प्रमुख र अधिकांश वडामा एमालेका उम्मेदवार निर्वाचित भएका छन्।