पोषणविद् महतो गाउँपालिका अध्यक्षमा निर्वाचित

जनस्वास्थ्य सरोकार, काठमाडौं । लामो समय स्वास्थ्य क्षेत्रमा सेवा गरेर राजनीतिमा होमिनुभएका राजकुमार महतो सर्लाहीको चन्द्रनगर गाउँपालिकाको अध्यक्षमा निर्वाचित हुनुभएको छ । नेपाली कांग्रेसका महतोले ३ हजार ९९५ मत प्राप्त गरी गाउँपालिका अध्यक्षमा विजयी हुनुभएको हो ।

उहाँले निकटतम प्रतिस्पर्धी माओवादीका लोकेन्द्र मुखियालाई ४५९ मतअन्तरले पराजित गर्नुभएको हो । उहाँका प्रतिद्धन्दी मुखियाले ३ हजार ५३६ मत प्राप्त गर्नुभयो ।

राजकुमार लामो समयदेखि स्वास्थ्य क्षेत्रमा काम गर्नुभएको छ । उहाँले सभे द चिल्ड्रेन, विश्व स्वास्थ्य संगठन लगायतका संस्थामा रहेर काम गरिसक्नुभएको छ । उहाँ जनस्वास्थ्य र पोषणविद् हुनुहुन्छ ।