शहीद धर्मभक्त राष्ट्रिय प्रत्यारोपण केन्द्रलाई प्रतिष्ठान बनाइने

जनस्वास्थ्य सरोकार, काठमाडौँ । सरकारले भक्तपुरस्थित शहीद धर्मभक्त राष्ट्रिय प्रत्यारोपण केन्द्रलाई प्रतिष्ठान बनाउने जनाएको छ।

अर्थमन्त्री जनार्दन शर्माले आर्थिक वर्ष २०७९/८० को बजेट प्रस्तुत गर्दै शहीद धर्मभक्त राष्ट्रिय प्रत्यारोपण केन्द्रलाई जनशक्ति उत्पादन गर्ने प्रतिष्ठान बनाउने जानकारी दिनुभएको हो।

मन्त्री शर्माले राष्ट्रिय प्रत्यारोपण केन्द्रलाई अंग प्रत्यारोपण सम्बन्धी विशेषज्ञ उत्पादन गर्न सक्षम प्रतिष्ठानको रुपमा विकास गरिने उल्लेख गर्नुभयो ।