देशभर १६३ जना सक्रिय संक्रमित, ४९ जनामा संक्रमण पुष्टि

जनस्वास्थ्य सरोकार, काठमाडौँ । नेपालमा पछिल्लो २४ घण्टामा थप ४९ जना कोरोना संक्रमित थपिएका छन्।

देशभर १ हजार २३४ जनाको पीसीआर नमुना परीक्षण गर्दा ३३ जनामा र १ हजार २६० जनाको एन्टीजेन बिधिबाट नमुना परीक्षण गर्दा १६ जनामा संक्रमण पुष्टी भएको स्वास्थ्य तथा जनसंख्या मन्त्रालयले जनाएको छ ।

जसमध्ये काठमाडौँमा ११ जना, भक्तपुरमा १ जना र ललितपुरमा १५ जना गरी उपत्यकामा मात्रै २७ जना थपिएका छन्। सोही अवधीमा १२ जना संक्रमणमुक्त भएका छन भने कसैको पनि मृत्यु भएको छैन ।

देशभर सक्रिय संक्रमितको संख्या १ सय ६३ रहेको छ। जसमध्ये होम आइसोलेसनमा १ सय ६० जना र संस्थागत आइसोलेसनमा ३ जना रहेका छन्। त्यसैगरी आइसीयूमा १ जना संक्रमित उपचाररत रहेको मन्त्रालयले जनाएको छ।