ह्याम्स हस्पिटलमा छाला एवं शौन्दर्य चिकित्सा विभाग खुल्यो

जनस्वास्थ्य सरोकार, काठमाडौं । काठमाडौंको धुम्बराहीस्थित ह्याम्स हस्पिटलमा एउटै छानामुनी छाला र सौन्दर्य सेवा उपलब्ध गराउन शौन्दर्य चिकित्सा विभाग शुरु भएको छ ।

अस्पतालका अध्यक्ष डा. आर. एस. भण्डारी र हस्पिटलका मेडिकल डाइरेक्टर एवं वरिष्ठ मुटु सर्जन डा. ज्योतीन्द्र शर्माले सो विभागको आज संयुक्त रुपमा उद्घाटन गर्नुभयो ।

‘तपाईले आफ्नो हेरचाह गर्ने निर्णय गरेपछि स्वस्थ्य छाला शुरु हुन्छ’ भन्ने विभागको मुख्य उद्देश्य रहेको छ । हाल विभागले सम्पूर्ण डर्माटोलोजी र प्लाष्टिक सर्जरी सेवा उपलब्ध गराउन आवश्यक सम्पूर्ण पूर्वाधार र जनशक्ति रहेको विभागकी कन्सल्यान्ट डर्माटोलोजिष्ट एण्ड एस्थेटिसिएन डा. प्रगति थापाले बताउनुभयो ।