भारतमा एकैदिन १८ हजार संक्रमित, नेपालमा बढ्यो त्रास

जनस्वास्थ्य सरोकार, काठमाडौँ । भारतमा कोभिड संक्रमितको संख्या बढेको बढ्यै देखिएको त्यहाँका स्वास्थ्य क्षेत्रका अधिकारीहरुले जनाएका छन् ।

पछिल्लो २४ घन्टामा १८ हजार २५७ जना नयाँ संक्रमित थपिएका छन् । यहाँ हरेक दिन संक्रमितहरु बढ्दै छन् । भारतको केन्द्रीय स्वास्थ्य मन्त्रालयले दिएको जानकारीमा यहाँ हरेक दिनजसो संक्रमितहरु बढ्दै गएका छन् ।

भारतमा पछिल्लो २४ घन्टामा ४२ जनाको मृत्यु पनि भएको छ । कोभिडबाट नै मृत्यु भएपछि यहाँ केही दिनयता त्रास बढेको छ । यहाँ कोभिडबाट मृत्यु हुनेको संख्या ५ लाख २५ हजार ४२८ पुगेको छ ।

भारतको यो बृद्धिले यता नेपालमा भने त्रास बढाएको छ । नेपालको स्वास्थ्य मन्त्रालयले प्रकाशन गरेको तथ्यांकमा पनि केही महिना पछि नेपालमा हिजो मात्र ११९ जनामा संक्रमण भएको देखिएको थियो । एकै दिन यो संख्या धेरै पछिको पहिलो हो ।

उता भारतीय सीमा नाकाहरुबाट नेपाल भित्रिने नागरिकहरुमा पनि संक्रमितहरु बढ्दै गएको देखिएको । यसअघिका कोरोना भाइरसका सबै लहरमा पनि भारतबाट नै संक्रमण भित्रिएको अनुभव हामीले देखेकाले यतिखेर पनि भारतमा संक्रमण बढ्दै जाँदा त्यसको प्रभाव यहाँ पनि पर्नसक्ने देखिएको छ ।

नेपालमा पनि दिनहुँ एक सयभन्दा बढीको संख्यामा संक्रमित थपिन थालेकाले यहाँ पनि त्रास बढेको बताइएको छ । यहाँ कोरोनाको अर्को लहर आउन नदिन सरकारले केही तयारीहरु थालेको पाइएको पनि बताइएको छ ।