लुम्बिनी मेडिकल कलेजले स्वास्थ्य बीमा सेवा स्थगन गर्ने

जनस्वास्थ्य सरोकार, पाल्पा । तानसेन स्थित लुम्बिनी मेडिकल कलेजले स्वास्थ्य बीमा अन्तरगतको सम्पूर्ण सेवा स्थगन गर्ने जनाएको छ ।

कलेजले आज एक सूचना जारी गर्दै मङ्गलवार राति १२ बजेदेखि स्वास्थ्य बिमातर्फका सम्पूर्ण सेवाहरू स्थगन गर्ने जनाएको हो ।

नेपाल सरकारले प्रस्तुत गरेको २०७९/०८० को बजेट वक्तव्यमा स्वास्थ्य बीमा कार्यक्रममा सरकारी र सामुदायिक स्वास्थ्य प्रदायक संस्थाबाट मात्रै उपलब्ध गराउने भनेसँगै सेवा बन्द गरिएको कलेजका प्राचार्य डा। राजु शाक्यद्वारा हस्ताक्षरित विज्ञप्तिमा जनाइएको छ ।

नेपाल सरकारको निर्णयअनुसार नै बीमा तर्फको सेवा बन्द गरिएको जनाउँदै सरकारबाट पुनः निजी संस्थामार्फत सेवा दिने निर्देशन भएमा सेवा सुचारु गर्ने पनि कलेजले जनाएको छ ।

लुम्बिनी मेडिकल कलेज प्रभासले वि।स। २०७३ भदै १ गतेदेखि रेफर सेन्टर र प्रथम बिन्दुका रुपमा रहेर स्वास्थ्य बीमाको सेवा प्रदान गर्दै आएको थियो ।