पत्रकारको निःशुल्क आँखा परिक्षण

जनस्वास्थ्य सरोकार, मकवानपुर । नेपाल पत्रकार महासंघ मकवानपुरले हेटौँडामा बिहीबार आयोजना गरेको निःशुल्क आँखा शिविरमा ६६ जना पत्रकारले आँखा परिक्षण गराएका छन् । 

विश्व दृष्टि दिवसको अवसरमा महासंघले जिल्लाका पत्रकारहरूलाई लक्षित गरी आँखा शिविरको आयोजना गरेको हो । 

महासंघले हेटौँडा सामुदायिक आँखा अस्पतालको समन्वयमा शिविर सञ्चालन गरेको महासङ्घका अध्यक्ष मणिराज गौतमले बताउनुभयो । 

शिविरमा नेत्र सहायक अफिसर रिना खड्की, नेत्र सहायक मिलन क्षेत्री र आई हेल्थ वर्कर अचला शर्माले परीक्षण गर्नुभएको थियो । 

अधिकांश पत्रकारहरू कम्प्युटरमा बस्ने भएकाले आँखाको समस्या थाहा पाउन महासंघले शिविर सञ्चालन गरेको अध्यक्ष गौतमले बताउनुभयो ।