विश्व मधुमेह दिवस २०२२ : 'शारीरिक सक्रियता र स्वस्थ आहार मधुमेहबाट बच्ने स्वउपचार'

जनस्वास्थ्य सारोकार, काठमाडौँ । आज विश्व मधुमेह दिवस २०२२ । नेपालमा पनि विभिन्न सचेतनामूलक कार्यक्रम गरी मनाइँदैछ । यस वर्षको विश्व मधुमेह दिवसको नारा ‘मधुमेह शिक्षा भोलिको सुरक्षा’ तय गरिएको छ ।

मधुमेहको उपचारमा अहिलेसम्म सबैभन्दा प्रभावकारी देखिएको इन्सुलिनको आविष्कार गरेका सर फ्रेड्रिक बान्टिङको जन्म दिनको अवसरमा सन् १९२२ देखी यो दिवस मनाउन थालिएको हो ।

सन् २००६ देखि संयुक्त राष्ट्र सङ्घले नोभेम्बर १४ लाई विश्व मधुमेह दिवसको रुपमा मान्यता दिएको हो । यस वर्षको मधुमेह दिवसको नारा एजुकेसन टु प्रोटेक्ट टुमरो भन्ने रहेको छ । विश्वमा अहिलेसम्म ४६ करोडभन्दा बढी मानिसमा यो रोग देखिएको छ ।

नेपालमा पनि ८ प्रतिशतसम्म मानिसमा मधुमेह भएको हुनसक्ने अनुमान छ । अस्वस्थकर खानपान, जीवनशैली र वंशाणुगत कारणले मधुमेह जोखिम बढाउँछ ।

समयमा नै मधुमेहको पहिचान गरेर उपचार गर्ने हो भने गम्भीर समस्या नआउने डाक्टरहरु बताउँछन् ।

मधुमेहका जोखिममा रहेका मानिसहरुलाई स्वस्थ आराम र व्यायाम गर्ने ठाउँको पहुँच चाहिन्छ । मधुमेहबाट बच्न कुनै औषधि वा उपचार विधिभन्दा स्वस्थ खानपान र शारीरिक सक्रियतापूर्ण जीवनशैली प्रभावकारी हुने चिकित्सकहरुको भनाई छ ।

मधुमेहका कारण मिर्गौला, कलेजो, मुटु, आँखा लगायतका महत्त्वपूर्ण अङ्गमा ठूलो असर गर्न सक्ने डाक्टरहरु बताउँछन् ।