क्यान्सर रोग विशेषज्ञको विश्व सम्मेलन सम्पन्न, डा. अरुणको कार्यपत्र उत्कृष्ट

जनस्वास्थ्य सरोकार, काठमाडौं । विश्वभरका क्यान्सर रोग विशेषज्ञहरूको सम्मेलनमा नेपालका मेडिकल अङ्कोलोजिस्ट डा. अरूण शाहीको कार्यपत्र उत्कृष्ट घोषित भएको छ ।

सिंगारपुरमा सम्पन्न सम्मेलनमा विभिन्न मुलुकबाट तीन हजार क्यान्सर रोग विशेषज्ञको उपस्थिति थियो । उक्त सम्मेलनमा प्रस्तुत ३०० कार्यपत्रबाट डा. शाहीले प्रस्तुत गरेको कार्यपत्र सर्वोत्कृष्ट भएको हो ।

उहाँलाई बेल्जियमका वरिष्ठ क्यान्सर रोग विशेषज्ञ डा. इरिक भ्यान कटसेमले उत्कृष्ट कार्यपत्रको अवार्ड प्रदान गर्नुभएको थियो ।

डा. शाहीले खानपिन र दैनिक जीवनशैलीले हुने पेटको क्यान्सरको जोखिमबारे कार्यपत्र प्रस्तुत गर्नुभएको थियो ।