महालक्ष्मी विकास बैंकका ग्राहकलाई टेस्ला डायग्नोस्टिक र दृष्टि आई केयरमा विशेष छुट

जनस्वास्थ्य सरोकार, काठमाडौँ । महालक्ष्मी विकास बैंकका सेवाग्राहीहरुले काठमाडौँको बालुवाटारस्थित टेस्ला डायग्नोस्टिक सेन्टर र चक्रपथस्थित दृष्टि आई केयर सेन्टरमा विशेष छुट पाउने भएका छन् ।
बैंकले स्वास्थ्य क्षेत्रका संस्थासँग समन्वय गरी अगाडि बढ्ने अभिप्रायका साथ टेस्ला डायग्नोस्टिक सेन्टर र दृष्टि आई केयर सेन्टरसँग सहकार्य गर्ने सम्झौता गरेको हो ।

सम्झौता पश्चात् महालक्ष्मी विकास बैंकका डेविट कार्ड तथा मोबाइल बैंकिङ्ग प्रयोग गर्ने ग्राहकहरुले उक्त संस्थाहरुका विभिन्न सेवाहरुमा विशेष छुट प्राप्त गर्न सक्नेछन् । बैंकका ग्राहकहरुले टेस्ला डायग्नोस्टिक सेन्टरमा अधिकतम १० प्रतिशत र दृष्टि आई केयर सेन्टरमा मा अधिकतम २० प्रतिशत सम्म छुट प्राप्त गर्न सक्नेछन् ।

यस किसिमको सहकार्यबाट बैंकका डेविट कार्ड तथा मोबाइल बैंकिङ्ग प्रयोग गर्ने ग्राहकहरु लाभान्वित हुने विश्वास बैंकले लिएको छ । यसका साथसाथै डिजिटल युगसँग नेपाली जनतालाई साक्ष।तकार गराउने उद्देश्यले बैकले विभिन्न शाखाहरुबाट वित्तीय जनचेतनामुलक कार्यक्रमहरु संचालन गर्दै आएको छ ।