स्वास्थ्यतर्फ १२औँ तहका लागि तीन जनाको नाम सिफारिस

जनस्वास्थ्य सरोकार, काठमाडौँ । स्वास्थ्य सेवाको १२औं तहको अतिरिक्त स्वास्थ्य सचिव पदका लागि तीन जनाको नाम सिफारिस गरिएको छ ।

स्वास्थ्य तथा जनसंख्या मन्त्रालयको बढुवा समितिको बिहीबार बिहान बसेको बैठकले रिक्त रहेको दुई पदमा तीन जनाको नाम सिफारिस गरेको हो।

बढुवा समितिले पोखरा स्वास्थ्य विज्ञान प्रतिष्ठानका डा. श्रीकृष्ण श्रेष्ठ, लुम्बिनी प्रदेशका स्वास्थ्य सचिव डा. विकास देवकोटा र प्रदेश अस्पताल भद्रपुरका डा. टंक बराकोटीको नाम सिफारिस गरेको छ।

सिफारिस समितिले मन्त्रिपरिषदमा पठाएको उक्त नाममध्ये दुई जना १२औं तहमा बढुवा हुनेछन्। १२ औं तहमा बढुवाका लागि २१ जनाले आवेदन दिएका थिए।