स्थानीय तहमा समायोजन गरिएका कर्मचारीलाई फिर्ता नगर्न निर्देशन

जनस्वास्थ्य सरोकार, काठमाडौँ । स्वास्थ्य तथा जनसंख्या मन्त्रालयले स्थानीय तहमा समायोजन गरिएका कर्मचारीलाई फिर्ता नगर्न निर्देशन दिएको छ । 

स्थानीय तहहरुले तलब भत्ता खुवाउन नसकिने भन्दै कर्मचारीहरु फिर्ता गर्न थालेपछि मन्त्रालयले तलब भत्ताको व्यवस्था गरिने भन्दै कर्मचारी फिर्ताको प्रक्रिया रोक्नका लागि आग्रह गरेको हो ।

८ पुसमा मन्त्रीस्तरीय निर्णय गर्दै संघीय स्वास्थ्य मन्त्रालयले समायोजन मिलान हुँदा स्वीकृत दरबन्दीभन्दा बढी स्वास्थ्यका कर्मचारीको खटिएको ठाउँमा अपुग भएको तलबभत्ता हाललाई स्वास्थ्य मन्त्रालयको वित्तिय बजेट हस्तान्तरण मार्फत उल्लेख छ। 

मन्त्रालयले उक्त निर्णयको व्यहोरा देशभरिका स्थानीय निकायहरुलाई पत्राचार गरिसकेको छ ।