क्यान्सर रोगबाट पिडित महान फुटबलर पेलेको ८२ बर्षको उमेरमा निधन

जनस्वास्थ्य सरोकार, काठमाडौँ । महान फुटबलर पेलेको ८२ बर्षको उमेरमा निधन भएको छ ।

लामो समयदेखि क्यान्सर रोगबाट पिडित पेलेको उपचारको क्रममा निधन भएको हो । उहाँको ब्राजिलको साओ पाउलोस्थित अस्पतालमा उपचार भइरहेको थियो ।

विश्वकपको इतिहासमा तीन विश्वकप जित्ने पेले एक मात्र खेलाडी हुनुहुन्थ्यो । ब्राजिलले १९५८, १९६२ र १९७० को विश्वकप जित्दा पेलेले महत्वपूर्ण भूमिका निभाउनुभएको थियो ।

उहाँले ब्राजिलका लागि ९२ खेलमा ७७ गोल गर्नुभएको थियो । त्यस्तै उहाँले आफ्नो करियरमा १२ सयभन्दा बढी गोल गरेको बताइन्छ ।