सोलुको नेचासल्यान गाउँपालिकालाई १६ लाख बराबरको स्वास्थ्य सामग्री

जनस्वास्थ्य सरोकार, सोलुखुम्बु ।  सोलुखुम्बुको नेचासल्यान गाउँपालिकाको स्वास्थ्य संस्थालाई रु १६ लाख बराबरको स्वास्थ्य सामग्री प्राप्त भएको छ । फाउन्डेसन फर इन्टरनेश्नल डेभलपमेन्ट पब्लिक रिलिफ जापानिज संस्थाले पालिकाभित्रका छ वटा स्वास्थ्य संस्थालाई स्वास्थ्य सामग्री प्रदान गरेको हो ।

गाउँपालिकाका वडा नं १, ४ र ५ मा सञ्चालित स्वास्थ्य चौकीलाई करिब रु दुईरदुई लाख बराबर, वडा नं ३ मा रहेका दुई वटा स्वास्थ्य चौकीलाई रु दुईरदुई लाख र वडा नं २ को प्राथमिक स्वास्थ्य केन्द्र दोदीलाई पाँच लाख बराबरका स्वास्थ्य सामग्री सहयोग गरेको प्रोजेक्ट म्यानेजर गुणवीर नेवारले बताउनुभयो ।

उहाँका अनुसार रिफ्रिजेरेटर, हाइस्केल, बइटस्केल, साल्टर स्केल, गुल्कोमिटर, डिजिटल थर्मोमिटर, माइक्रोस्कोप, बेबी बारमर, वासिङ मेसिन, बिपी सेट, डेन्टल सेट र ग्लोब्सलगायतका सामग्री प्रदान गरिएको छ ।

सहयोग हस्तान्तरण कार्यक्रममा बोल्दै नेचा, सल्यान गाउँपालिका उपाध्यक्ष बिना राईले स्वास्थ्य संस्थालाई आवश्यक सामग्री प्राप्त भएको भन्दै सहयोगी संस्थालाई धन्यवाद दिनुभयो ।

वडा नं १, २ र ३ का स्वास्थ्य संस्थालाई हिजो सामग्री हस्तान्तरण गरिएको छ भने वडा नं ४ र ५ का स्वास्थ्य संस्थालाई स्वास्थ्य सामग्री हस्तान्तरण गर्न बाँकी छ ।

रासस