इनरुवा अस्पतालका ८ जना मेडिकल अफिसरले दिए सामूहिक राजीनामा

जनस्वास्थ्य सरोकार, सुनसरी । सुनसरीको इनरुवा अस्पतालमा कार्यरत ८ जना मेडिकल अधिकृतले सामूहिक राजीनामा दिएका छन् ।

अस्पतालका मेडिकल सुपरिटेन्डेन्ट डा. देवराज घिमिरेले मेडिकल अफिसरहरुलाई नीच देखाउने, गालीगलौच गर्ने, धम्की दिई मानसिक यातना दिने र मेडिकल अधिकृत र बिरामीबीच भएको विवादमा मौन बसेको भन्दै अस्पताल व्यवस्थापनलाई सामूहिक राजीनामा पत्र बुझाएका हुन् ।

मेडिकल अधिकृतहरू डा. महेशकुमार शाह, डा. रतिकुमार यादव, डा. आशिष देव, डा. अभिषेकुमार सिंह, डा. श्रेया पंगेनी, डा. कृतिका हमाल, डा.दीपेन्द्र मेहता र डा. वीरेन्द्र मण्डलले सामूहिक राजीनामा बुझाउनुभएको छ ।

२६ माघमा ड्युटीमा रहेका मेडिकल अधिकृतलाई धम्क्याउने, आक्रमण गर्ने व्यक्तिलाई छलफल नगराएको मेडिकल अधिकृतहरूले बताएका छन् ।

।