कस्तो छ मुम्बईमा उपचाररत सांसद भण्डारी स्वास्थ्य अवस्था ?

जनस्वास्थ्य सरोकार, काठमाडौँ । नेपाली कांग्रेसका नेता एवं संघीय सांसद डा. चन्द्र भण्डारीको स्वास्थ्यमा सुधार भइरहेको छ ।

उहाँसँगै मुम्बईमा रहनुभएका सहयोगी माधव न्यौपानेका अनुसार अहिले ट्रायलको रुपमा भेन्टिलेटर हटाईएको छ । सबै स्वास्थ्य पारामिटर नर्मल रहेको चिकित्सकहरुले बताएका छन् । साथै ज्वरो आएको छैन । सुन्निएको भाग पनि घट्दै गएको छ ।

ग्यास लिक भएर आगलागी हुँदा जलेर घाइते भएका भण्डारीको थप उपचारका लागि भारतको मुम्बईस्थित नेशनल बर्न सेन्टरमा उपचार भइरहेको छ । केही दिनअघि उहाँको दुवै खुट्टाको अप्रेसन भएको थियो ।