प्रधानमन्त्री दाहालको निजी चिकित्सकमा प्रा.डा. युवराज शर्मा नियुक्त

जनस्वास्थ्य सरोकार, काठमाडौँ । प्रधानमन्त्री पुष्पकमल दाहालको निजी चिकित्सकमा प्रा.डा. युवराज शर्मा नियुक्त हुनुभएको छ ।

गत फागुन ११ गते बसेको मन्त्रिपरिषद्को बैठकले प्रा.डा. शर्मालाई प्रधानमन्त्री दाहालको निजी चिकित्सक नियुक्त गरेको हो ।

प्रा.डा. शर्माले सोमबार नियुक्तिपत्र बुझ्नुभएको बताउनुभयो । पेट तथा कलेजो रोग विशेषज्ञ प्रा.डा. शर्मा पाटन स्वास्थ्य विज्ञान प्रतिष्ठानको इन्टर्नल मेडिसिन विभागमा कार्यरत हुनुहुन्छ । उहाँले इन्टरनल मेडिसिन र ग्यास्ट्रोइन्टेरोलोजीमा एमडी गर्नुभएको छ ।