नारायणी अस्पतालमा अत्याधुनिक डायलाइसिस कक्ष स्थापना

जनस्वास्थ्य सरोकार, वीरगञ्ज । वीरगञ्जको नारायणी अस्पतालमा १५ वटा डायलाइसिस् मेसिन सहितको अत्याधुनिक डायलाइसिस् कक्षको स्थापना गरिएको छ ।

सिद्धार्थ बैंकले डायलाइसिस् कक्ष स्थापनाका लागि राउन्ड टेबल नेपालसँग गरेको सम्झौता अनुरुप उक्त डायलाइसिस् कक्ष स्थापना भएको हो । सम्झौता अनुसार सिद्धार्थ बैंकले डायलाइसिस् कक्ष स्थापनाका लागि ५५ लाख नगद प्रदान गरेको थियो ।

१५ वटा डायलाइसिस् मेसिन सहित उक्त कक्ष निर्माण गरिएको अस्पताल प्रशासनले जनाएको छ । २ वटा इमर्जेन्सी डायलाइसिस र एउटा एचआईभी, हेपाटाइटीस बी र हेपाटाइटीस सीबाट संक्रमित मिर्गौला रोगीहरुको डायलायसिसका लागि प्रयोग गरिने अस्पतालले जनाएको छ ।