महासंघको वस्तुगत उपाध्यक्षमा हेमराज ढकाल र जिल्ला नगर उपाध्यक्षमा सुरकृष्ण निर्वाचित

जनस्वास्थ्य सरोकार, काठमाडौँ। नेपाल उद्योग वाणिज्य महासंघको वस्तुगततर्फको उपाध्यक्षमा उमेशलाल श्रेष्ठ प्यानलका हेमराज ढकाल विजयी हुनुभएको छ ।

ढकालले ६१ मत प्राप्त गर्नुभएको छ भने अन्जन श्रेष्ठ प्यानलका मनिषलाल प्रधानले ५२ र रामचन्द्र संघई प्यानलका सुकुन्तलाल हिराचनले ७ मत प्राप्त गर्नुभएको छ ।

जिल्लानगर उपाध्यक्षमा रामचन्द्र संघई प्यानलबाट सुरकृष्ण वैद्य ४३ मत प्राप्त गर्दै विजयी हुनुभएको छ । अन्जन श्रेष्ठ प्यानलबाट लड्नुभएका अजयराज सुमार्गीले ३७ मत र उमेशलाल समूहबाट उपाध्यक्ष लड्नुभएका दिनेश श्रेष्ठले ३४ मत प्राप्त गर्नुभएको छ ।

कार्यकारी समितिको वरिष्ठ उपाध्यक्षका उम्मेदवार नाडा अटोमोबाइल एसोसिएसन अफ नेपालका अञ्जन श्रेष्ठ, क्वेष्ट फर्मास्यूटिकल्स प्रा.लि.का उमेशलाल श्रेष्ठ र त्रिवेणी स्प्रिनिङ मिल्स प्रा.लि.का सामचन्द्र संघई तीन प्यानल भित्र रहेर विभिन्न पदमा चुनाव भएको हो ।