क्रिकेटर लामिछानेले गराए लाईपोमा शल्यक्रिया

जनस्वास्थ्य सरोकार, काठमाडौँ । क्रिकेट खेलाडी सन्दीप लामिछानेले लाईपोमाको शल्यक्रिया गराउनुभएको छ ।

लामिछानेको शरीरमा रहेका ६ वटा लाईपोमाहरु सर्जरी गरी निकालिएको क्रिकेट एसोसियसन अप नेपाल (क्यान) ले जनाएको छ ।

क्यानका मेडिकल कोअर्डिनेटर डा. अभिषेक राज सिंहले भन्नुभयो–‘अहिलेको खाली समयको सदुपयोग गरी प्लान सर्जरी गरिएको हो । सन्दिप भोलि नै डिस्चार्ज हुने र आगामी खेलहरूमा नियमित रूपमा फर्कनुहुनेछ ।’

लामिछानेको शल्यक्रिया नेपाल नेशनल अस्पतालमा गरिएको हो ।