२ दुर्गम जिल्ला बराबर १ एयर एम्बुलेन्स सेवा सञ्चालन गरिने

जनस्वास्थ्य सरोकार, काठमाडौँ । सरकारले २ दुर्गम जिल्ला बराबर १ एयर एम्बुलेन्स सेवा सञ्चालन गरिने घोषणा गरेको छ।

शुक्रबार राष्ट्रपति रामचन्द्र पौडेलले संघीय संसदको संयुक्त बैठकमा आगामी आर्थिक वर्षको २०८०/८१ को सरकारको नीति तथा कार्यक्रम प्रस्तुत गर्दै सो कुरा बताउनुभएको हो ।

उपचार सुविधा नभएका दुर्गम जिल्ला, सुदूर पश्चिमका पहाडि जिल्लाहरुमा २ जिल्ला बराबर एक एयर एम्बुलेन्स सेवा नियमित सञ्चालन गरिने, डाटाबेस अनुसार केन्द्रीय एम्बुलेन्स सेवाको व्यवस्था गरिने, जनशक्ति, उपकरण, औषधी सेवा, समायावदी व्यवस्थापन, सरसफाई समेतका आधारमा सामुदायिक स्वास्थ्य संस्थाको मूल्याङ्कन गरिने राष्ट्रपति पौडेलले बताउनुभयो ।