न्याम्सको उपकुलपतिमा डा. भूपेन्द्र बस्नेत नियुक्त

जनस्वास्थ्य सरोकार, काठमाडौं । चिकित्सा विज्ञान राष्ट्रिय प्रतिष्ठान (न्याम्स) को उपकुलपतिमा डा. भूपेन्द्र बस्नेत नियुक्त हुनुभएको छ ।

न्याम्सका निमित्त उपकूलपतिसमेत रहनुभएका डा. बस्नेतलाई प्रधानमन्त्री पुष्पकमल दाहालले बिहिबार उपकुलपतिमा नियुक्त गर्नुभएको हो ।

स्वास्थ्य मन्त्री मोहनबहादुर बस्नेतको अध्यक्षतामा गठित समितिको सिफारिसका आधारमा उपकुलपति नियुक्ति भएका बस्नेतसँग अन्य ११ जना प्रतिस्पर्धी रहेका थिए ।

उपकुलपतिको कार्यकाल चार वर्ष रहने व्यवस्था छ ।