परोपकार प्रसूति तथा स्त्रीरोग अस्पतालमा ५९ औँ शिशु प्रदर्शनी हुने

जनस्वास्थ्य सरोकार, काठमाडौँ । थापाथलीस्थित परोपकार प्रसूति तथा स्त्रीरोग अस्पतालले शिशु प्रदर्शनी गर्ने भएको छ । अस्पतालले एक सुचना जारी गर्दै आउँदो भदौ १ गते ५९ औँ शिशु प्रदर्शनी गर्ने जानकारी दिएको हो ।

अस्पतालले प्रसूति गृहमै जन्मेर एक वर्षसम्मका शिशुलाई प्रदर्शनीमा सहभागी गर्ने जनाएको छ ।

जन्मेदेखि ४५ दिनसम्म, ४६ दिनदेखि छ महिनासम्म र छ महिना एक दिनदेखि एक वर्षसम्म गरी छुट्टाछुट्टै तीन उमेर समूहका शिशुलाई भाग लिन आह्वान गरेको छ ।

प्रदर्शनीमा सहभागी गराउन चाहने अभिभावकले असार २५ गतेदेखि साउन २४ गते सम्म दरखास्त दिनुपर्ने हुन्छ । प्रदर्शनीमा उत्कृष्ट हुने शिशुलाई भदौ २० गते अस्पतालको वार्षिकोत्सव कार्यक्रममा पुरस्कार र प्रमाणपत्र दिइने छ ।