लामो समयदेखि मस्तिष्कमा स्नायु कोष क्षय हुने रोगबाट पीडित प्रधानमन्त्री पत्नी सीता दाहालको निधन

जनस्वास्थ्य सरोकार, काठमाडौं । प्रधानमन्त्री पुष्पकमल दाहाल पत्नी सिता दाहालको निधन भएको छ । उहाँको आज बिहान ८ः३३ बजे नर्भिक हस्पिटलमा निधन भएको हो ।

६९ वर्षीया दाहाल लामो समयदेखि पार्किन्सन जस्तो देखिने एक जटिल प्रकारको रोगले पीडित हुनुहुन्थ्यो । मस्तिष्कका स्नायु कोष (नर्भ सेल) क्षय हुने यो रोगले बिरामीलाई मानसिक र शारीरिक रूपमा कमजोर बनाउँछ। उहाँमा मधुमेह र उच्च रक्तचाप पनि थियो ।

स्वास्थ्य अवस्था गम्भीर भएपछि दाहाललाई आज बिहान अस्पताल लगिएको थियो। अस्पताल पुर्याएको केही समयमा उहाँको निधन भएको चिकित्सकले घोषणा गरेका थिए । यसअघि उहाँलाई अमेरिका, भारत र सिंगापुरमा लगिए पनि स्वास्थ्यमा उल्लेख्य सुधार हुन सकेको थिएन ।