केएमसी अस्पताल र आवासीय चिकित्सकबीच वार्ता जारी

जनस्वास्थ्य सरोकार, काठमाडौँ । सिनामंगलस्थित केएमसी अस्पताल र आवासीय चिकित्सकबीच वार्ता सुरू भएको छ।

बिहीबार आवासीय चिकित्सकले सडकमै बसेर धर्ना दिएपछि अस्पताल प्रशासनले वार्ताका लागि बोलाएको हो।

आवासीय चिकित्सक टोलीबाट चार जना र अस्पताल प्रशासनबाट केपी शर्मासहितको टोलीबीच वार्ता भइरहेको बताइएको छ ।

सडकमै धर्ना बसेपछि गौशला प्रहरी वृत्तबाट डिएसपी केशव थेबेको नेतृत्वमा टोली आएको थियो । प्रहरीसँग पनि आफूहरूले सबै कुरा बताएपछि डिएसपी थेबेले नै अस्पतालसँग वार्ताका लागि समन्वय गरिदिएको आवासीय चिकित्सक डा. विशद दाहालले जानकारी दिनुभयो ।