१४३ जनालाई निःशुल्क बहु विशेषज्ञ स्वास्थ्य परिक्षण, १३५ जनाको ल्याव परीक्षण

नेपाल हेल्थ न्युज, काठमाडौं । काठमाडौंको पानीपोखरीस्थित शुक्रा हाउस् अफ डाईग्नोष्टिक एण्ड वेलनेश सेन्टरले बहु विषेशज्ञ निःशुल्क स्वास्थ्य शिविर कार्यक्रम सम्पन्न गरेको छ ।

आफ्नो सेवा शुभारम्भ गरेको एक वर्षको अवसरमा आषाढ २२ गते आयोजित एकदिने शिविरमा १४३ जनाले निशुल्क स्वास्थ्य परिक्षण सेवा पाएका छन् । शिविरमा जनरल फिजिसियन, छाला तथा सौन्दर्य रोग, स्त्री तथा प्रसुती सेवा, रगत सम्बन्धि रोग, मधुमेह, थायराइड तथा हर्मोन, मुटु रोग, बाथरोग र ब्रेस्ट क्यान्सर सम्वन्धी विशेषज्ञ चिकित्सकले स्वास्थ्य परीक्षण गरेका थिए । शिविरमा करिव १३५ जनाको ल्याव प्रयोगशाला सेवा अन्तर्गत रगतको विभिन्न जाँच गरिएको थियो ।

बिरामीको चाप र मागलाई मध्यनजर गर्दै विभिन्न किसिमका शिविर तथा जनचेतना कार्यक्रम छिटै नै गर्ने यस संस्थाका प्रशासन प्रमुख रोजिका प्रधानले बताउनुभयो ।

‘नतिजा जहाँ महत्वपूर्ण छ’ भन्ने मुल नाराका साथ वि.सं. २०८० जेठ ३ गते औपचारीक रुपमा काठमाडौंको मुटु पानीपोखरीस्थित शुक्रा हाउस डाईग्नोस्टिक एण्ड वेलनेश सेन्टर प्रा.लिको स्थापना गरिएको थियो । यस संस्थाले आफ्नो सेवाग्राहीहरुको स्वास्थ्यलाई मध्यनजर गर्दै विभिन्न किसिमका गुणस्तरीय ल्याब परीक्षण, मल्टीस्पेशलिटी विशेषज्ञ परामर्श सेवा, एक्स रे, यु.एस.जि., ईसिजि र फार्मेसी आदि सेवाहरु उपलब्ध गराउँदै आइरहेको छ ।

नेपालमा लगभग ६० देखि ७०प्रतिशत परीक्षणहरू अझै पनि नेपालबाट अन्य देशहरूमा पठाइन्छ, जसले गर्दा बिरामीको उपचारमा ढिलाइ हुने र व्यक्तिको साथै देशको आर्थिक बोझ बढ्ने हुँदा, सकेसम्म यसको रोकथाममा यस संस्था अग्रसर रुपले अगाडि बढिरहेको छ ।

यस संस्थाले विशेष निदान परीक्षणमा मात्र नभई चिकित्सा क्षेत्रमा पनि अग्रणी बन्ने लक्ष्य राखेको छ । जसमा स्वस्थ जीवनशैलीलाई प्रवद्र्घन गर्ने कार्यहरु समावेश गरेका छन् यस संस्था मानवतालाई पहिलो प्राथमिकतामा राख्दै उत्कृष्ट गुणस्तर, सबैभन्दा सही निदान र परीक्षणलाई किफायती लागतमा प्रदान गर्न समर्पित गर्दछ । अरु ल्याब भन्दा छुट्टै गुणस्तरीयसेवाको पहिचान बोकेको यस संस्थाको ल्याब भित्र पनि प्याथोलोजिस्ट, माईक्रोबायोलोजिस्ट, बायोकेमिस्टका विभिन्न वरिष्ठ विशेषज्ञ टोलीहरु आबद्घ छन् ।