७४ जिल्लामा फैलियो डेंगु, ३ हजार ७ बढीमा संक्रमण

नेपाल हेल्थ न्युज, काठमाडौँ । नेपालका ७४ जिल्लामा डेंगु फैलिएको छ । हालसम्ममा ३ हजार ७५५ जनामा डेंगु संक्रमण पुष्टि भएको छ ।

इपिडिमियोलोजी तथा रोग नियन्त्रण महाशाखा (इडीसीडी) का अनुसार गण्डकीमा सबैभन्दा धेरै १ हजार ४४८, बागमतीमा ९२८ डेंगु संक्रमित फेला परेका छन् । कोशीमा ६३९, लुम्बिनीमा ३२८, सुदूरपश्चिममा २९५, मधेशमा ६५ र कर्णाली प्रदेशमा ५२ जनामा डेंगु संक्रमण पुष्टि भएको छ ।

जिल्लागत रूपमा सबैभन्दा धेरै तनहुँमा ७१५, काठमाडौंमा ३५४, कास्कीमा २७४, झापामा १४७, चितवनमा १४५, पर्वतमा १३६, मकानपुरमा ९०, गोरखामा ८५ जना डेंगु संक्रमित भेटिएका छन् ।