फर्मासिस्ट र फार्मेसी सहायकले पुष ४ देखि नामप्लेटसहितको सेतो एप्रोन अनिवार्य लगाउनुपर्ने

नेपाल हेल्थ न्युज, काठमाडौँ । फर्मासिस्ट र फार्मेसी सहायकले पुष ४ देखि नामप्लेटसहितको सेतो एप्रोन अनिवार्य लगाउनुपर्ने भएको छ ।

नेपाल फार्मेसी परिषद्ले एक सूचना जारी गर्दै फार्मेसी वा अस्पताल फार्मेसीमा कार्यरत फर्मासिस्ट र फार्मेसी सहायकले आगामी पुष ४ देखि औषधि डिस्पेन्सिङ गर्दा देहायको नामट्याथ सहितको सेतो एप्रोन लगाई मात्र डिस्पेन्सिङ गर्नुपर्ने अनिवार्य व्यवस्था लागू गरिएको हो ।

फर्मासिस्ट र फार्मेसी सहायकले यसको उल्लङ्घन गरेमा परिषद्को कोड अफ कन्डक्ट पालना नगरेको मानिने छ सूचनामा भनिएको छ ।

फर्मासिस्टले हरियो पृष्ठभूमिमा सेतो रंगको अक्षरमा नाम, पद र परिषद् दर्ता नम्बर र फार्मेसी सहायले निलो पृष्ठभूमिमा सेतो रंगको अक्षरमा नाम, पद र परिषद् दर्ता नम्बर उल्लेख गर्नुपर्नेछ ।

२०८१ पुस ४ बाट ड्रेसकोडको पालना भए नभएको सम्बन्धी अनुगमन परिषदबाट हुने र पालना नभएको अवस्थामा परिषद्को नियमावली २०५९ को परिच्छेद ३ को ३।२ बमोजिम कारबाही प्रक्रिया अगाडि बढाइने बताइएको छ।

यसैगरी ब्याचलर इन फार्मेसीको २६ औं नाम दर्ता परीक्षा मिति २०८१ मंसिर १५ र डिप्लोमा इन फार्मेसीको मिति २०८१ मंसिर २२ गते हुने रचनामार्फत जानकारी गराइएको छ ।